Início Ken e Nos

PostHeaderIcon Un breve prezentason de AUDITEC

AUDITEC-Auditores & Consultores-Sociedade de Auditores Certificados, Lda. e un inpréza de odituria i konsulturia, krióde kun skritura públike notarial na Kartor Notarial de Praia, i se statute ba publikóde na B. O. nu 38, II série, de 30 de Setenbre de 1993.

AUDITEC ta inskrivide na Konservatória d’Rejiste Kumersial d’Praia, k’Matríkula nu 295, i na Direson Jeral de Kontribuison i Inposte es dal un Nunbru de Identifikason Fiskal - NIF nu 200 133 373.


AUDITEC ta rajistóde na Órda Prufisional d’Oditor i Kontablista Sertfikóde d’Kabe Verde, k’Rejiste nu 4, i el ten kes konpténsa spesífike, i/o razervóde li, e k’ta previste na lei:


a) Fazê odituria (ravizon konplete) pa entidade públike o privóde, tude k’sis respetive sertfikason;
b) Fazê ravizon limitóde, pa entidade públike o privóde; pruduzí, imití i siná sis respetive ralator;
c) Fazê ots koza k’e prope de prufison d’un oditor, d’akorde k’kes padron difnide internasionalmente pa IFAC - International Federation of Accountants.


AUDITEC podê tanbê:


d) Ravê, fazê, ftxa i siná dmostrason finanser de inpréza o de ots instituison, i prope kes k’e pa bólsa de valor, ets.;
e) Atuá kome prite kontablista na instruson de kolkér prusése judisial i kome jestor likidadador judisial;
f) Da asesuria, fazê konsulturia i mnistrá formason na kes matéria ralasionóde, o ke pa apoiá kontablidade i odituria.