Início Inisiu Prizentason

PostHeaderIcon Brévi prizentason di AUDITEC

AUDITEC-Auditores & Consultores-Sociedade de Auditores Certificados, Lda. e un npréza di oditoriâ i konsultoriâ, kiriadu através di skritura públiku notarial na Kartóri Notarial di Praia, ki ten statutus publikadu na B. O. nu 38, II séri, di 30 di Setenbru di 1993.

AUDITEC sta nskritu na Konservatória di Rejistu Komersial di Praia, ku Matríkula nu 295, i Direson- Jeral di Kontribuson i Inpostu da-l Nunbru di Identifikason Fiskal - NIF nu 200 133 373.

AUDITEC sta rijistadu na Órdi Profisional di Oditoris i Kontabilistas Sertifikadu di Kauberdi, ku Rijistu nu 4, i e’ ten sigintis konpiténsa spisífiku i/o rezerbadu, privistu na lei:

a) Rializason di oditoriâs (rivizons konplétu) pa entidadis públiku o privadu, i rispetivu sertifikason;

b) Rializason di rivizon limitadu, pa entidadis públiku o privadu, i pruduzi, poi fóra i fase sinatura di rispetivu rilatóri;

c) Otus atu ki e própi di profison di oditor, di akordu ku padrons nternasionalmenti difinidu pa IFAC - International Federation of Accountants.

AUDITEC pode tanbê:

d) Rivê, fase, fitxa i sina dimonstrasons finanseru di nprézas o nstitusons, nkluindu pa ifetu di bolsa di valoris, ets.;

e) Aji komu piritu kontabilista na nstruson di kalkér prusésu judisial i komu jestor likidatari judisial;

f) Asesora, fase konsultoriâ i da formason na kes matéria rilasionadu o ki ta apoia kontabilidadi i oditoriâ.